A Red, Red Rose
O my Luve's like a red, red rose,

That's newly sprung in June;

O my Luve's like the melodie

That's sweetly play'd in tune.–



As fair art thou, my bonie lass,

So deep in luve am I;

And I will luve thee still, my Dear,

Till a' the seas gang dry.–



Till a' the seas gang dry, my Dear,

And the rocks melt wi' the sun;

I will luve thee still, my Dear,

While the sands o' life shall run.–



And fare thee weel, my only Luve!

And fare thee weel, a while!

And I will come again my Luve,

Tho' it were ten thousand miles!
~Robert Burns~








Peace n Love




Please sign My Guestbook located on the Home Entry Page and let me know you visited!! :) I would love to hear from you. Thank You and I hope you enjoyed your visit. Stop in again for updates